کارتک میلے میںآل انڈیا مشاعرے کی سجی محفل

اُجین (نیا نظریہ بیورو)ہر سال کی امسال بھی میونسپل کا رپوریشن کے زیر اہتمام کارتک میلے میںآل انڈیا مشاعرے کی محفل سجی ۔ یہ مشاعرہ صبح تک کامیابی کے ساتھ چلتا رہا۔ مشاعرہ کا آغاز حسب روایت نعت ِپاک سے ہوا ۔ مشہور بین الاقوامی شاعر نعیم اختر نے اپنی میٹھی آواز میں نعت پاک پڑھ کر ماحول کو روحانی بناد یا ۔ اس کے بعدباضابطہ مشا عرے کا آغاز ہوا ۔ اس میں اسماعیل نظر اور عظیم دیواسی ، وسیم راج پوری ، حامد بھوساولی ، التمش عباس ، اسرار چندروی ، خالد نیّر ، اعجاز انصاری وغیرہ نے ایک سے ایک عمدپہ کلام پیش کر حاضرین کا دل جیت لیا۔ بھوپال کے وجئے تیواری اور لکھن ¶ سے تشریف لا ئے بین الاقوامی شاعر سردار چرن سنگھ بشر کی شاعری نے سامعین کو بہت متاثر کیا۔ بشر کے ہر شعر کو خوب داد وتحسین ملی انہوں نے پڑھا کہ
یہ دنیا نفرت کے آخری مرحلے پر ہے ،اس کا علاج محبت کے سوا کچھ نہیں ہے،
آگ لگانے والوں یہ بھی یاد ر ہے ،آگ نہیں یہ دیکھے گی کہ گھر کس کا ہے ۔مشاعرے میں مشہورو معروف بین الاقوامی شاعر منظر بھوپالی ، ماجد دیوبندی ، نعیم اختر اور نزہت امروہوی ،نجم حسن اور ڈاکٹر فرید خان نے اپنے اپنے انداز میں ایک سے ایک عمدہ اشعار سنائے ۔ مشاعرے کی نظامت بنگلور کے شفیق عابدی نے کی ۔ پروگرام کے آغاز سے قبل شاعروں اور مہمانوں کا کنوینرو کونسلر جناب مظفر حسین ، نائب کنوینر جناب سلیم بھائی کباڑی ،جناب ظفر احمد صدیقی ،جناب امجد خان ،جناب گلناز ناصر خان اور سیکرٹری و میونسپل کا رپوریشن کے رابطہ عامہ افسر جناب رئیس احمد نظامی نے استقبال کیا۔جناب نظامی نے مرحوم شاعرعصیم اُجینی اور اُجین کے اختر گوالیاری کی یاد میں اس مشاعرہ کو وقف کرتے ہوئے دونوں شعراءکے چنندہ اشعار سنائے ۔اس موقع پر کثیر تعداد میں سامعین مو جود رہے ۔