بائیک سوار کو ٹریکڑ نے روندا ،نوجوان موقع پر ہی ہلاک

اُجین (نیا نظریہ بیورو)گزشتہ شب موٹرسائیکل پر سوار ہو کر سودائے سلف لینے والے نوجوان کو پنواسا مکسی روڈ پر واقع پٹرول پمپ کے سامنے ٹریکٹر ڈرائیور نے ٹکر مار دی۔ٹکر اتنی زور دار تھی کہ نوجوان موقع پر ہی جاں بحق ہوگیا۔ ٹریکٹر کے پیچھے ٹرالی میں خاتون بیٹھی تھیں اور حادثے کے بعد ٹریکٹر ڈرائیور گاڑی چھوڑ کر موقع سے فرار ہوگیا۔ چمن گنج پولیس نے ٹریکٹر کو اپنے تحویل میں لے لیا ہے۔حاصل معلومات کے مطابق امن ولد راجو پنچولے ،عمر 20سالہ ، ساکن شنکر پورمکسی روڈ کل رات 8 بجے گھر سے باہر اپنے جیجا کی موٹر سائیکل سے گھر کا سامان لینے کیلئے گھر سے نکلا تھا۔ یہاں سے کچھ فاصلے پر پنواسا مکسی روڈ پر واقع پٹرول پمپ کے سامنے سے آنے والے ٹریکٹر نے امن کے موٹر سائیکل کو زوردار ٹکر مار دی۔ حادثے میں امن کی موت ہوگئی۔ جب امن زیادہ دیر تک گھر نہیں لوٹا تو اس کا بھائی اس کی تلاش میں پٹرول پمپ پر پہنچا۔ لوگوں نے اسے بتایا کہ امن حادثہ کا شکا ر ہو گیا ہے اور لوگ اسے اسپتال لے گئے۔امن کے بہنوئی شیو نارائن نے بتایا کہ امن اپنے والد کے ساتھ کھرگون میں رہائش پذیر تھا اور کچھ روز قبل ہی وہ اُجین آیا تھا ۔وہ پیشے سے ڈرائیور تھا۔لوگوں نے بتایا کہ ٹریکٹر ڈرائیور کارتک میلہ دیکھ کر گا ¶ں واپس آرہا تھا اور اس کی ٹرالی میں خواتین بیٹھی ہوئی تھیں لیکن حادثے کے بعد وہ ٹریکٹر چھوڑ کر ڈرائیور فرار ہو گیا ۔ٹریکٹر کو پولیس نے ضبط کرلیا ہے۔