دوہرے قتل میں مقتول کے لواحقین نے انصاف کا کیا مطالبہ

ُاُجین (نیا نظریہ بیورو) گزشتہ ماہ چمن گنج تھانے حلقہ سنجے نگر میں بہیمانہ قتل کے معاملہ میں ماں بیٹے کو قتل کرنے والے شوہر کےلئے سزائے موت کا مطالبہ مقتول کے لواحقین نے کیا ہے ۔ اہل خانہ نے وزیر داخلہ بالا بچن سے ملاقات کر فاسٹ ٹریک عدالت میں کیس چلاکر عدالت سے ملزم کو سزائے موت دینے کا مطالبہ کیا ہے۔متوفی سریتا یادو کے بھائی جتیندر ساہو ، لوکندر ساہو ، بہن کویتا ، ببیتا نے بتایا کہ اس کی بہن سریتا یادو ، جس کی عمر 42 سال تھی ، اور اس کا بھانجہ ابھے کو اس کے شوہر انیل یادو نے گزشہ ماہ رامپوری چاقو سے قتل کر دیا تھا۔ قتل کے بعد قاتل شوہر کو پولیس نے گرفتار کر لیا اور وہ فی الحال بھیروگڑھ جیل میں بند ہے۔ متوفی کے لواحقین نے عدالت سے مطالبہ کیا ہے کہ وہ اس بہیمانے قتل کو انجام دینے والے قاتل ڈرائیور انیل یادو کو موت کی سزا سنائے۔ متوفی کے لواحقین 
سپرنٹنڈنٹ پولیس اور انچارج پولیس آفیسر چمن گنج سے بھی ملاقات کی تاکہ جلد از جلد اس مقدمے کو معزز عدالت میں چالان پیش کیا جا سکے اور بہیمانہ دوہرے قتل کو فاسٹ ٹریک عدالت میںچلایا جائے تاکہ قاتل انیل یادو کوپھانسی کی سزا دی جائے۔لواحقین نے بتایا کہ متوفی سریتا یادو نے خود کی کمائی کا لاکھوں روپے کا سنجے نگر میں ایک مکان خریدا تھا اور اس مکان کی رجسٹری سریتا یادو کے نام پر ہے اور اس گھر کو قاتل انیل یادو کے گھر والے زبردستی قبضہ کرنا چاہتے ہیں۔ فی الحال مکان کو چمن گنج منڈی پولیس نے سیل کر رکھا ہے۔لواحقین نے عدالت سے یہ بھی مطالبہ کیا ہے کہ اس گھر کی چابیاں انہیں دی جائیں کیونکہ وہ ان کی بہن کے حقیقی وارث ہیں تاکہ یہ گھر قتل شدہ شوہر اور اس کے اہل خانہ کو نہ مل سکے ۔کنبہ کے افراد نے الزام لگایا کہ انیل یادو اندور میں ایک معروف عوامی نمائندے کی بس چلاتا ہے اور خدشہ ہے کہ وہ اس معاملہ میں مداخلت کر انیل یادو کو ضمانت پر بری ہونے کا فائدہ دلا سکتا ہے ۔ ان کی بہن اور بھانجہ کے قاتل انیل یادو نے بھی کچھ لوگوں کو انہیں بھی دھمکی دینے کے لئے چھوڑ رکھا ہے ، وہ اس کے ساتھ کچھ بھی کرسکتے ہیں۔ لواحقین نے پولیس انتظامیہ سے انصاف کی اپیل کی ہے۔