اجتماعی نکاح میں 13 جوڑے ازدواجی زندگی میں منسلک

 اندور (نیا نظریہ بیورو) کڈاﺅگھاٹ میں 13 جوڑوں کے اجتماعی نکاح کیلئے تقریب منعقد ہوئی ۔خواجہ عثمان ہارونی کمیٹی نامی تنظیم نے ان جوڑوں کی شادی کرائی ۔قابل ذکر ہے کہ یہ ادارہ گزشتہ 14 سالوں سے شہر میں مسلم کمیونٹی میں لڑکیوں کی اجتمائی نکاح کا اہتمام کراتی آرہی ہے۔گزشتہ روز بمبئی بازار سے کڈاﺅگھاٹ تک اس جلوس کی دھو م رہی ۔بمبئی بازار، جماعت خانہ سے بارات جلوس نکالا گیا۔ نورانی کلام کی تلاوت کرتے ہوئے بارات نکالی گئی ۔ ایاز بیگ نے جلوس کی اگوانی کی ۔کمیٹی کے چیئرمین ماسٹر سلیم لا ئیک نے بتایا کہ اس موقع پر مفتی مالوا مولانا نورالحق نوری ، مولانا احمد یار خان ، حافظ انور ریحانی ، مولانا عبد الجبار اشرفی نے 13 جوڑوں کے نکاح پڑھائے ۔اس موقع پر حاجی سہراب پٹیل ، جناب ایاز بیگ ، حاجی زاہد علی ، نوجوان لیڈر رحیم خان ، صوفی مشتاق بابا ،جناب عمران دہلوی ، جناب علیم بابا ، حاجی سہیل بھائی گونا والا ،جناب وحید بھائی ، جناب فاروق رائن،جناب منظور احمد ،جناب ذاکر دہلوی ،جناب عارف ، سید مشتاق علی ، حاجی وہاب مہےشوروالا ،جناب سہیل دہلوی ،جناب شکیل عطاء، جناب نوشاد احمد ، جناب اکو بھائی ،جناب ساجد رائل ،جناب ظفر بھائی ، جناب یوسف ماما ،جناب فخر الدین رضوی ،جناب بشیر ٹھیکیدار ،جناب جنےد سونی ،جناب جاوید دہلوی ، صحافی نعامت خان ،جناب امجد دہلوی ، جناب ہلال احمد ، جناب سلمان وغیرہ کے علاوہ شہر کے معزز لوگوں نے شرکت کی ۔ پروگرام کی نظامت طاہر کمال صدیقی نے کی ۔ دولہا اور دلہنوں کو گھریلو اشیا بھی دی گئی ۔