حادثات کے باوجود ڈرائیور باز نہیں آرہے من مانی سے

اُجین:اُجین -اندور کے درمیان چلنے والی بسیں مختص رفتار سے زیادہ رفتار سے چلتی ہیں ۔ بسوں کیلئے زیادہ سے زیادہ رفتار 40کلو میٹر فی گھنٹہ مختص ہے ۔لیکن بس ڈرائیور 81 کلو میٹر یا اس سے بھی زیادہ رفتار سے بسوں کو چلاتے ہیں ۔محکمہ ٹریفک پولیس کے افسران نے سنجیدگی دکھاتے ہوئے بسوں کی اسپیڈکی جانچ کرنی شروع کر دی ہے ۔اسی زمر ے میں ٹریفک صوبیدار جناب سنجے راجپوت اور سپنا پرمار نے اسپیڈ راڈار گن سے اندور سے آرہی ایم یادو ٹریولس کی بس جو100 میٹر کی دوری پر 81 کلومیٹر کے حساب سے آرہی تھی ۔ جیسے ہی ڈرائیور نے پولیس کو دیکھا ، اس نے رفتار کم کرکے 41 کردی۔ جب پولیس نے بس کو روکا تو ڈرائیور کالونے کہا میں تو آہستہ سے گاڑی چلا رہا تھا۔ اسی طرح شکلا بردرس بس کی اسپیڈ 74 تھی جب اسے روکا گیا تو اس کے ڈرائیور نے کہا بس مالک سے بات کرادیتا ہوں ۔ 40 سیٹر بس میں 70 مسافر بیٹھا رکھے تھے ۔ کنڈیکٹر نے مسافروں کوبس کے بونٹ پر بیٹھا رکھاتھا ۔ ڈرائیور نے پولیس کو دیکھ بس کی رفتار 55 کر دی ۔ اس کے علاوہ ڈرائیور نے وردی بھی نہیں پہنی تھی۔ اس نے کہا - بس مالک سے بات کرادیتا ہوں ۔ پولیس نے اس کا لائسنس قبضے میں لے کربس کو روانہ کر دیا ۔اسی طرح بیگم بس کے ڈرائیور بھی سڑک پر تیز رفتار سے دوڑ رہی تھی ۔پولیس کو دیکھتے ہی رفتار 68 کر لی ۔ اسی ٹریولس کی ایک اور بس بھی تیز رفتاری سے چل رہی تھی ۔ دونوں بسوں کے ڈرائیونگ لائسنس کو ضبط کرلیا گیا ہے۔ رائل بس ، شکلا بس اور دیگر بسیں جس پر ایم پی ٹرانسپورٹ لکھا ہو اتھا بھی 72 کی رفتار سے چل رہی تھی۔جب پولیس نے بس روکی تو کنڈیکٹر نے بس کے مالک کو فون کرنا شروع کردیا۔شہر کے اخبار بھاشکر کے مطابق اندور روڈ پر ایم یادو ٹریولس ، شکلا بردرس ، سونا بس ٹریولس، گولڈن ٹریولس، بانیشوری ٹریولس،سلطان ِہند، رائل ٹریولس ، مالوا بس سروس یہ آٹھ بسیں زیادہ رفتار سے چل رہی تھیں ۔ مذکورہ تمام بسو ں کے ڈرائیوروں کے ڈرائیونگ لا ئسنس ضبط کرمنسوخی کی کارروائی کی گئی ۔محکمہ ٹریفک کی جانب سے جانچ کا سلسلہ مسلسل جاری رہے گا ۔