پانی کی قلت کے سبب عوام نے احتجاجی مظاہرہ کرکیا چکا جام

اندور: میئر محترمہ مالنی گوڑ کے آبائی علاقے میں پانی کے بحران کے سبب علاقہ کے مکینوں کو کافی پریشانیوں کا سامنہ کر نا پڑ رہا ہے ۔اسی زمرے میں بدھ کی صبح میںبیابانی علاقہ کے شہری پانی کےلئے سڑکوں پر اتر کراحتجاجی مظاہرہ کر چکا جام کیا ۔ویسے تو میونسپل کا رپویشن کی لا پرواہی کے سبب پانی کی قلت عام بات ہو گئی ہے اس کے علاوہ کہیں پر لائن ٹوٹ جاتی ہے اس طرح کی صورتحال اب بہت عام ہو چکی ہے۔میئر مالنی گوڑ کے حلقہ میں پانی کا بحران بنا ہوا ہے۔ اس مظاہرے میں خواتین کی ایک بڑی تعداد بھی شامل رہی۔ عوام کا کہنا ہے اگرنلوں میں
پانی آتا بھی ہے تو وہ آلودہ ہوتا ہے۔ ایسی صورتحال میں میونسپل کارپوریشن افسران سے علاقہ کے لوگوں نے متعدد دفع شکایت بھی درج کرائی ہے۔ لیکن ابھی تک ان افسران کی جانب سے اس مسئلے کو سنجیدگی سے لینے اور حل کرنے کی کوئی کوشش نہیں کی گئی ہے۔ اس وجہ سے علاقے میں صورتحال نازک بنی ہوئی ہے۔انہیں سب باتوں کے پیش نظر شہرکے لوگ آج سڑکوں پر اتر کر احتجاجی مظاہرہ کرنے پر مجبور ہوگئے۔چکا جام کی شکایت مو صول ہونے پر موقع پر پولیس پہنچی اورلوگوںکو سمجھا بجھا کر چکا جام کھلوایا۔ مکینوں کا کہنا ہے کہ لودھی پورہ گلی نمبر 1،2،3 میں پچھلے 6 ماہ سے پانی کا مسئلہ چل رہا ہے۔نیز میونسپل کارپوریشن کی جانب سے سروٹے بس اسٹینڈسے گنگوال بس اسٹینڈ سے جوڑنے کے لئے تعمیر کی جانے والی سڑک کے سلاوٹ پورہ تک کے علاقے میں پانی کا مسئلہ بنا ہوا ہے۔ اس خطے کے شہری ٹینکر کا پانی منگوا پر اپنی ضروریات کو پورا کرنے پر مجبور ہیں۔ کوئی بھی لیڈران لوگوں کے مسائل کے حل کیلئے آگے نہیں آ رہا ہے ۔ اس موقع پر بی جے پی لیڈران نے محاذ سنبھالا - بی جے پی لیڈر سونو راٹھور نے چکا جام میں عوام کے ساتھ کھڑے نظر آئے ۔